Funksionojmë në Greqi që prej vitit 1995 në fushën e kafes dhe aktiviteti ynë kryesor është;
  Përpunim dhe Tregëti Kafeje dhe veçanërisht i Kafes Tradicionale Shqiptare me emrin ARGJIRO.
  Si aktivitet dytësor kemi : Ιnstalimin e Μakinerive Αutomatike Profesionale me emrin "NESCAFE Alegria Professional”, dhe ''Lioness'' për bërje kafesh dhe pijesh të ndryshme, si dhe tregëtinë e produkteve të nevojshme për funksionimin e tyre, si: Kafe Ekspress, Qumësht, Çokollatë, Çaj dhe Nescafe Classic.
Makineritë e tipit "Lioness"mund të funksionojnë dhe si shitësa automatik(vending).
- Me Kafen ARGJIRO u drejtohemi konsumatorëve shqiptarë kryesisht në Greqi, por dhe në mbarë botën. Gjithashtu kafeja jonë preferohet dhe nga një përqindje e konsiderueshme konsumatorësh Grekë apo dhe kombësish të tjera.
  Prodhimi i kafes ARGJIRO bëhet në Greqi në njësinë tonë të përpunimit, e cila është plotësisht e automatizuar, dhe e përshtatur, sipas nevojave të produktit tonë si një produkt tradicional, si dhe sipas standarteve bashkëkohore Evropiane të cilësisë dhe higjenikës së lartë.
 Kafeja ARGJIRO, gjendet kryesisht në : mini markete, furra buke, kioska, dyqane pijesh dhe në supermarkete të vogla private në të gjithë Greqinë, por më tepër në Athinë, në zonat rreth Athinës dhe në shumë ishuj.
  Firma jonë po bën përpjekje të vazhueshme për vendosjen e kafes ARGJIRO në sa më shumë pika shitje në gjithë Greqinë për të qenë sa më pranë konsumatorëve që preferojnë këtë lloj kafe. Në zonat dhe qytetet që nuk gjendet akoma , vet të interesuarit, japin nr. e tel të firmës tonë në dyqanin më të afërt dhe u shprehin dëshirën e tyre që të furnizohet me kafe ARGJIRO.
  Gjithashtu nëpërmjet platformës tonë elektronike, konsumatorët mund, të porositin kafe Argjiro direkt nga ne, kudo që ndodhen, ose mund të kontaktojnë me ne, në repartin e dërgesave të drejtëpërdrejta, nëpërmjet të cilit i dërgohet me postë,ose transport ,në adresën e tyre, porosija e çdokujt, kudo që ndodhet në gjithë Greqinë apo dhe në Evropë, Kanada dhe Amerikë.
  Në proçesin e reklamimit të produktit tonë , firma jonë ofron falas kafe ARGJIRO, në pikat të ndryshme ku mblidhen qytetarët shqiptarë këtu në Greqi dhe jep dhurata të ndryshme, si kalendare ose mbrojtëse pashaporte,etj.

 -Me instalimin e Makinerive Automatike Profesionale për bërjen e kafeve dhe pijeve të ndryshme , u drejtohemi firmave të ndryshme në fushën e hotelierisë.       Nëpërmjet këtyre makinerive, çdokush, mund të bëj lehtë, shpejt, saktë me cilësi të lartë dhe konstante , me kosto shumë të ulët, vetëm me shtypjen e butonave, pa qenë e nevojshme të ketë njohuri apo eksperiencë, kafe dhe pije të llojeve të ndryshme,të ftohta dhe të ngrohta. si; ekspress, freddo ekspress, kapuçino, freddokapuçino, kafe filtri, nescafe, frappe si dhe çokollatë, qumësht dhe çaj me limon. Eshtë si të keni një barist profesional në dipozicionin tuaj.
 Lehtësia në instalim dhe përdorim, përmasat e vogla dhe kostoja e ulët, i bëjnë këto lloj maqineri të përshtatshme për; hotele që ofrojnë mëngjes gratis , për dyqane buke-m.markete, për sportelet e vogla ushqimore në shkolla, kinema, teatro,fusha sporti,palestra, anije, kafene, bare, parukeri, gjithashtu dhe për ndërmarrje me numër të madh personeli.
Jemi përfaqësues të kompanisë NESTLE HELLAS në këtë degë. . 
 Karakteristike e kompanisë sonë është sjellja e diçkaje të re dhe prototipike në tregun Grek, pra ofrimi i diçkaje që mungon.
 Ato ç’ka ofrojmë ne, si dhe mënyra që ne kemi zgjedhur, vështirë mund t’a gjej dikush të ofrohen nga kompani të tjera këtu në Greqi.
  Ideja e prodhimit dhe e tregëtise së një produkti tradicional shqiptar në Greqi është një ide e re për Greqinë dhe deri tani e vetme.
  Kafe ARGJIRO është produkti i parë dhe i vetmi shqiptar, që ka hyrë në tregun grek dhe që prej vitit 1995, shoqëron konsumatorët shqiptarë, duke u ofruar atyre pak shije nga traditat e tyre.
  Jemi e vetmja kompani në Greqi dhe e para në Shqipëri, e cila për herë të parë   zgjodhëm të ofrojmë kafe të zezë (tradicionale shqiptare), paketuar dhe të emëruar, në përputhje me Standartet Evropiane të prodhimeve ushqimore.
  Që në fillimi ne zgjodhëm t’a karakterizojmë produktin tonë, kafen ARGJIRO, si Kafe Tradicionale Shqiptare, një nocion që u dëgjua për herë të parë, jo vetëm në Greqi, por edhe në  Shqipëri. Ky karakterizim e veçantoi menjëherë produktin tonë nga llojet e tjera të kafeve dhe tërhoqi vëmendjen e konsumatorëve shqiptarë në Greqi, si dhe kuriozitetin e konsumatorëve grekë që dëshirojnë të përjetojnë një përvojë të re shijimi kafeje.
  Me sloganet; "Respektimi ndaj traditës është kulturë dhe kënaqësi" si dhe
''Kafeja siç na pëlqen ne shqiptarëve '', reklamuam produktin tonë në rrjetet më të njohura televizive në Greqi dhe për herë të parë në gjuhën shqipe. 
  Me ndihmën e vlefshme të Ambasadës Shqiptare, ne vazhduam të reklamojmë produktin tonë në ambjentet e ambasadës, ku për 5 vjet rresht u shërbenim falas kafen tonë, bashkatdhetarëve të pranishëm. Çdo ditë dëgjonim përgëzimet dhe vlerësimet e tyre për nismat tona për cilësinë e shkëlqyer të kafesë Argjiro, për paraqitjen tonë të sjellshme në ambasadë, dhe produkti jonë u bë akoma edhe më i njohur për shqiptarët në Greqi.
  Si konkluzion, nga të thënat e vet konsumatorëve tanë, Kafeja Argjiro është specifike edhe në shijen e saj , ka diçka të mbrekullueshme që e veçanton atë edhe nga të gjitha kafet e tjera shqiptare. Eshtë pikërisht ajo që duan shqiptarët.    Në përgjithësi shumica e klientëve tanë janë bërë adhurues fanatikë të kafes Argjiro dhe siç shprehen dhe vetë ata ,nuk e ndërojne atë me asgjë.
Iniciatori , arkitekti dhe mananxheri i të gjitha këtyre ideve është Lulëzim Alikaj, adhurues i traditave shqiptare dhe i kafes shqiptare, emigrant nga Gjirokastra, i cili erdhi në Greqi në vitin 1992, menjëherë pas studimeve universitare në Universitetin e Tiranës, në degën Filologji Angleze. Idetë dhe planet e tij gjetën mbështetjen e miqve të tij investitorë, grekë dhe shqiptarë të cilët ndihmuan në realizimin e tyre.
 Tre ishin arsyet kryesore, që u vendos, që ky invenstim të bëhej në Greqi:
1- mundësitë që janë në Greqi, për dikë që dëshiron të nxjerr një produkt me cilësi të lartë dhe standarte të larta,
2- numri i madh i shqiptarëve që jetojnë në Greqi,
3- ndërgjegjia shoqërore për të investuar në vendin ku jetojmë, për të ndihmuar sado pak në zhvillimin e ekonomisë së tij , e cila është në të mirë të gjithëve.

Kafeja ARGJIRO është rezultat i përkushtimit, dashurisë, merakut, këmbënguljes, imtësisë, dëshirës, njohurive, pëvojës dhe studimit shumëvjeçar dhe mbi të gjitha i një cilësije të lartë dhe gjithmonë të kontrollueshme të kafes jeshile.
 Vizioni ynë është, që Kafe ARGJIRO të bëhet Brand Name dhe simbol i një cilësije të mbrekullueshme kafeje tradicionale Shqiptare.
  Kjo është arsyeja që ne kemi zgjedhur të bëjmë një punë me cilësi të lartë dhe të qëndrueshme në të gjitha stadet e saj, pa llogaritur kosto, aq më tepër kur bëhet fjalë për një produkt të tillë, siç është kafeja, e cila duhet të ofrojë një kënaqësi të veçantë.
  Kemi krijuar të gjitha kushtet e nevojshme të cilat na sigurojnë stabilitetin e cilësisë dhe të specifikave të produktit tonë, si dhe të gjitha mundësitë që kafeja Argjiro të gjendet pranë të interesuarve, në çdo kohë dhe kudo që ata ndodhen.     
      Të përpiqesh të krijosh diçka të përsosur, të plotësuar deri dhe në detajet më të imta, me standardet më të larta, duke filluar që nga cilësia e produktit dhe deri tek paraqitja e tij, për ne, është një shprehje respekti ndaj konsumatorëve, që na zgjedhin, dhe na preferojnë.
                       Kënaqësija e tyre, për ne, është shpërblimi ynë!                                                                
Në planet tona të ardhshme janë prodhimi dhe i produkteve të tjera tradicionale Shqiptare.